West Garo Hills a∙jani Doldegre songo Tura Medical College-ko rika cho∙anio sorkarini chamgimin tangkarang chu∙ongjaengani a∙sel bang∙a jajaanirang aro neng∙nikanirangko chagrongna nangenga ine Health Minister Ampareen Lyngdoh parakataha.
Tura Medical College-ko matchotatna gita tangka gong 136 crore nangenga aro ia neng∙nikaoniko naljokatna gita Chief Minister baksa agan golpogrikanirangko dakenga ine Lyngdoh aganangaha.
Ma∙mong sorkarini gipin a∙dokchi poraina gita a∙dokni chatro chatrirangna chamgimin seat-rang bilsi antian 85 oni 93 mang ong∙a. A∙doko Medical College-rangko rika cho∙anirang matchotkujagenchimode parakujaon nambata maina ia chamgimin seatrangkoba gimaatna nangaona soknaba gnang ine Lyngdoh janapangaha.
