India ni Salgro-Saliram a∙dokrango mikka waaniko IMD paraksamsoa

India Meteorological Department (IMD) ni agansoanigita re∙baenggipa salrango Meghalaya aro mitam India ni Salgro-Saliram jolo donggipa bakrango mikkarang wae dongkamnaba donga ine parakataha. Mikka waan baksa e∙lipe kimpretaniko nikangnaba donga ine mikrakataniko on∙angaha. Mikka wae donganiko August 27 tarikona salbrimangna nikangnaba donga ine niksamsoaniko IMD parakataha.