Da∙al attamni bako Nongjri-oni Rongjengona re∙baenggipa gari bolsa Mangsang rama namjani a∙sel Dambo songo a∙sel ong∙aniko chagrongaha. Koborko man∙soanigitade gario sakdokmang songabatgiparang gnangchim jeon sakgnide biapon sikamaha aro sakbride bilongbee saknaa man∙aha ine u∙iataha. Saknaa man∙gipa manderangko sepangbatgipa Rongjeng CHC ona sanna bannaniko dakna watatskaaha.
Songni manderangni agananigitade ia rama jolo a∙sel ong∙anirangko jringnan chagronganiko nikrongbata ine aganangaha. Janapatanigitade ramarangba namjaengaha aro uko taraken tarina nangengaha ineba agandapangaha. Manderangni janggiko naljokatna aro songre songabatanio maming a∙selgri re∙na dona man∙agita sorkari iani bidingo niatna nanga ine parakangaha.
