Garobadha jolni Megonggre songo niamgri bolrangko cha∙ue salangenggipa gari registration number AS-17C 0618 ko mijal walni bako rim∙nagita man∙rikaha ine koborna parakataha. Niamgri bolko salenggiparang songni manderangni changni chang beng∙aniko man∙genchimoba manigija badingsrukaniko dakronga ine uno songdonggiparang u∙iataha.
Dongimin niamrangko pe∙e ia kamko ka∙aniara sorkarini kosako ra∙biani ong∙a aro iarangni bidingo name nirokatchina Forest Department rangna Niksamso Garo Community Organisation (NGCO) dolrang u∙iatanikoba dakangaha. A∙palchina niamgri cha∙ue bolrangko salruraenganiko dontongatchina u∙iataniko dakangan baksa ia kamrangko nirokatjagenchimode raka ja∙kuko de∙anggen ineba NGCO dol parakataha.
