Ma∙mong sorkarini chamatgimin poraiani kitaprangko a∙dok sorkari Education Department ni gita king 50 na batpile South West Garo Hills a∙jani Jewilgre Government L.P skulna suale on∙angaha. Ia namgipa poraitogipa aro nitobegipa golporangni kitaprangko suale on∙anichi skie ra∙enggipa bi∙sarangna poraie ma∙sie ra∙na aro knatimna skani namgipa bewalrangko ra∙bana dakchakani ong∙gen ine skulni padot aganangaha.
GK kitaprangko poraianichi bi∙sarangni gisikko matsramatan baksa uamangni skie ra∙enggipa subjectrangko name ma∙sibatna aro a∙gilsako ong∙enga obostarangni bidingoba talbatna cholko on∙angani ong∙gen. Ia kitaprangko suale on∙anina Jewilgre Government Skul dingtangmancha ma∙mong aro a∙dok sorkariko kusi ong∙e mittelplanikoba dakangaha.
