Meghalaya Livelihood & Access Market Project (MLAMP) dingtangmancha Integrated Village Cooperative Society (IVCS) ni Key Performance Indicators (KPI) ba kam ka∙anirangko see rakkie chimongani bidingo Meghalaya Basin Development Authority (MBDA) salgnina trainingko ong∙atangaha. Ia programko IVCS ni Integrated Natural Management Resources (INRM), Rural Finance (RF), Supply Chain aro Management & Evaluation (M&E) na see rakkigiminrangko mesokna nanggiparangni bidingo skie on∙a miksonge ong∙atangaha.
Unbaksana dingtang dingtang kamrangko ka∙ani bidingo ma∙sina nanggiparangko am∙an somoio Utilisation Certificate ko mesokani aro songsalna dangdike on∙ani kamrangko see rakkianio dakna nanggnirangko agantalate on∙angaha. Ia skie on∙ani programko C&C Hotel Turao, Garo Hills ni dingtang dingtang bakrango kam ka∙enggiparangna ong∙atangaha.
