Meghalaya a∙dokni 50 Battalion ni Border Security Force (BSF) rang civic action program ni ning∙o South West Garo Hills a∙jani Balughat Govt. Primary skulo ong∙atangaha. Ia medical camp o tangka paisa nanggija sima a∙ri jolo songdongenggipa manderangni an∙seng baljokanina kam ka∙anio nirokani bakgita ong∙atangaha.
Ia camp o sak 200 na batpile songni manderang porikka ra∙aniko daknagita sokbaaha. Uamangko BSF Doctor rang nirokaniko dakangaha aro Mahendraganj ni Community Health Centre (CHC) o kam ka∙giparangba dongpae bakko ra∙angaha. Ia program o Balughat, Kalaichar aro Lukaichar songrangoni manderangna porikka ra∙an baksa samrangkoba suale on∙aniko dakangaha.
