A∙doko gisiknigita bilgrianiko man∙enggiparang uamangni neng∙nikanirangko u∙igipa aro ma∙sigipa manderangna parakate cholrangko man∙agita Meghalaya Health Department tangka nanggija ka∙na man∙gipa 14410 number ona ka∙atpachina u∙iataniko dakangaha. Gisik ni bidingo maiba dakchakaniko ba ku∙pattianiko nangode gisikni gita sangiparangna Sombar oni Sonibar ona pring 10 baji oni attam 7 bajiona ka∙atna man∙gen ine Health Department rang dingtangmancha ia sabisiko naljokatna cholko ra∙baenga.
An∙chingni Meghalaya a∙doksan ong∙aigija a∙gilsak gimiko gisikni bidingo bang∙a neng∙nikanirangko niknagita man∙enga. Indakgipa neng∙nikanirangko sengnang sanna bannaniko on∙jaode salantio janggi tanganio neng∙nikaniko ra∙baa. Unbaksana skul, office aro manderang baksa nangrime janggitanganioba neng∙nikaniko man∙a.
