Dalu Kherapara 33 KV line ni bijoli tik ong∙e watjani a∙selo ua jolo songdongenggipa saksa uni suk ong∙gijaniko koborna parakataha. Uni Ku∙rongdik kobor ra∙timgiparangna seanio janapatani gitade ia line ko bijoli watani tik ong∙gijanichi songni manderangna namen neng∙nikaniko man∙enga ine parakataha. Bijoli sianga kontasa mangni ja·man sokbapiloba minute chikking mangsan donge siangpilaia ine u∙iataha.
Songni manderang bijoli name man∙jagenchimoba bill rangkode gamronga gitan gamna nangkuenga aro bijoli tarigipa officialrang gipin line-rangko tarie on∙oba Kherapara 33 KV kode galchipronga ine parakataha. Unbaksana ia line salantian nosto ong∙aniko nikronga aro salgni ba salgittamrang ong∙pilosa line ko tarie on∙a officialrang nabaronga ineba u∙iatangaha. Ia obostani gimin, ua pilak dilgiparang mongsongbate MeECL officialrangko name nirokpachina aro tik ka∙e on∙pachina mol∙molanikoba dakangaha.
