West Garo Hills a∙jani Department of Information & Public Relation (DIPR), Dadenggre ni ning∙o donggipa Tikrikilla aro Belguri songni Fair Price dokkan nokgiparang baksa merong aro cha∙anirangko kragipa damo nokantiona sokatani bidingo chanchirimaniko dakangaha. Fair Price dokkanko chalaienggiparangna adita nanganirangko u∙iate on∙a aro uamangni kamrangni bidingo neng∙nikanirangko u∙ie ra∙na a∙jao antiprako gronggrike chanchirimaniko dakangenga.
Fair Price dokkanrang salantio songsalni manderangna cha∙aniko sokatgipa ma∙mong sorkarini Ministry of Consumer Affairs, Food and Public Distribution ni gita re∙dilenggipa ong∙a. Iani namgniko BPL ni ning∙o ong∙gipa nokdangrangna kragipa damrango merongrangko on∙a miksonge kam ka∙enggipa ong∙a jean kangal cholgrirangna dakchakaniko on∙engipa Indian Food Security System ni bakba ong∙a.
