Tura songjinmao skanggipa changna ong∙atnasienggipa Tura Champions League 2023 o bak ra∙na am∙enggipa dolrangko District Football Association Tura August jani 28 tariko parakataha. Kal∙anio bak ra∙angnasienggipa dolrangara Selsella SA, Boca Juniors, West Balalgre, Spirits FC, Achapara Balmikka, Araimile SCC, Babelapara SYC, Chandmari FC, Dadenggre YC, Maram FC, Rongkhon Sporting, Chipakkore FC, Druma Sandruma, Danakgre YSCA aro Galmak YC susaaniko dakanggen.
Iako ong∙atanichi pilak robol club rangna uamangni changa sapaniko mesokna aro mikkangchi nambata gadango kal∙angnagita namgipa chol ong∙enga. Ia skanggipa changna ong∙atenggipa Tura Champions League ko September 12 tariko Chandmari robol kal∙chakramo a∙bachengatna manchisoe donangaha.
