Assam a∙dokoni badinggipa sakgniko Rongjeng jolni dakoit dakgipa manderang re∙anggipa 24 tariko sikdikdikgipa biapo rim∙srukaniko dakanggipako mijal salni bako am∙sandianirangko dake North Garo Hills a∙jani pulis dolrang rim∙nagita man∙aha. Rim∙srukangako man∙gipa badinggipa sakgniara Dudhnoi ni Khasem Ali (33) aro Khayem Uddin (22) ong∙achim. Uamang sakgniko Rongjeng bajar o badingchiwalaniko dakna re∙angako rim∙srukangaha ine parakataha.
Mijal walni 8 baji mango Assam sima ari jolni North Garo Hills a∙jani pulis dolrang rim∙srukanggipa aro rim∙anga man∙gipa manderangko bano donengachim uko kobor man∙soe rim∙anga man∙gipa manderangko naljokatna man∙pilaha. Mendipathar, Dainadubi aro Wageasi ni pulis dolrang Mejolgre Dogru songni buringoniko nikeon uamang pulis rangko niksoe rim∙anga man∙gipa man∙derangko watgale buringchi kate jokangaha ine koborna parakataha.
Rim∙srukanga man∙gipa manderangko maming saknaagri naljokatna man∙aha aro uamangko bakan be∙en ni gita mai ong∙a uko u∙ina Dainadubi ona porikka ra∙e nina rimbae bakan uamangni nokdangrangona watatpilaha ine NGH ni SP Bruno A. Sangma u∙iataha. Kate jokanggipa dakoit rangko rim∙nagita ia kamo bak donga ine chanchichipgipa manderangko rim∙e sing∙sandianirangko dakangenga ine EGH pulis dolrang parakataha.
