National Tuberculosis Elimination Programme (NTEP) ni gita ‘2025 bilsini gisepo TB sabisiko gimaatna’ ingipa katta bichongo pangchake EGH a∙jani Mangsang PHC o mijal salni bako ong∙atangaha. Ia programme o mandeko sabisioniko naljokatna amgipa sam bolrangko jakkale, sanna bannaniko dakenggipa dolrang songni manderangna salsana skie on∙aniko dakangaha.
Ua sam bolrangko jakkale mikkangchi TB sabisiko maikai gimaatna ammani bidingo sanna bannanio dangdike on∙enggiparang rongtalbee agantalate on∙angaha. Ia programme ko ong∙atanichi songsalo sabisioniko naljokatna sam bolrangko jakkalenggipa manderangna nambegipa u∙ie ra∙ani chol ong∙a ine parakataha.
