Intensified Mission Indradhanush (IMI) ni bidingo dingtang dingtang nanganirangna chanchirime nipiltaianiko mijal salni bako Tura Circuit House o tom∙e chanchirimangaha. Ia tom∙anio a∙jao skanggipa changna kam ka∙anirangko nipiltaianiko dake IMI ko gnigipa changna dakangkuna chanchirimangaha. Ia mission ni gita biji su·anirango maikai nambate aro chu·sokgipa ong·e kamko ka·angna man·a gita chanchirimanikoba dakangaha.
IMI campaign ko ong·atanichi a∙jao songdongenggipa bi·sarangna aro an∙o donggipa ma·giparangna namen dakchakani ong∙gen. Ia tom∙anio bi·sarangko sabisioniko naljoke rakkina, bilsi bongaona somoi gita bijirangko su·na aro an∙o donggipa ma·giparangna jerangan Tetanus Diphtheria (TD) bijiko su·kugijagiparangna mikkangchi campaign rangko ong∙ate pilak biaparangon an∙o donggipa ma·giparangko biji su∙e matchotatnagita chanchianirangko dakangaha.
