West Garo Hills a∙jani Haripur songo VEC ni President aro Secretary, job card donggiparangna sorkarini chamgimin tangka paisarangko jakkalsreta ine bil gnanggipa manderangni didianiko man∙e matnange badi ka∙doaniko President Abdul Bashid Sarkar aro Secretary Lal Bahadur jechakataha.
MGNREGS ni job card donggiparangna sorkarini chamatgimin tangkarangko jakkalsretna maming cholan dongja maina ua tangka paisarangko mande sakantini bank account onasa sokata ine uamang aganangaha. Unbaksana uamangko an∙tangtangsa VEC ni President aro Secretary ni kamko drae jako ra∙e kam ka∙enga ine matnanganiba kakket ong∙ja indiba niamo pangchake job card donggiparangni seokako man∙esa uamangko President aro Secretary seokaha ineba uamang u∙iatangaha.
VEC dilgiparangni aganani gitade adita manderangsan, bil gnanggiparangni didianiko man∙e, badi ka∙aniko dakaha aro bang∙bata job card donggiparangan uamangni jakkandilaniko kusi ong∙e ra∙chakenga ineba parakataha.
