Niksamso Garo Community Organization (NGCO) Sourthern Zone Baghmara ICPS Social Welfare Department-ni chalaienggipa ma∙gri pagri bi∙sarangko don∙chakram biapona re∙ange chaꞏani ringani bosturangko suale onꞏangaha. Koborrangko man∙soani gitade ICPS Social Welfare Department batanggimin jabri na kingking a∙dok sokarinigita tangka chamatanirangko man∙sokujaenganichi neng∙nikaniko man∙enga ine u∙iataha.
Iani bidingo NGCO dolrang ia bi∙sarangko donchakramo nirokgiparangna aro uano dongenggipa bi∙sarangni namgnina a∙dok sorkariko department-na on∙a nanggnirangko sokatchinagita didianganiko dakangaha. Una agreba indakgipa departmentrangna nanga dakchakanirangko on∙e aro name nirokanirangko dakchinagita NGCO dolrang sorkario mol∙molaniko dakangaha.
