2022 bilsini September 28 tariko Multi Tasking Staff (MTS) kamna maming u∙iatagri rimnapna am∙aniko ADE Apex Committee Hq. Tura jegale National Highway and Infrastructure Development Cooperation Limited (NHIDCL) na chittiko sedoataha. ADE dolni janapani gitade MTS kamna rimnapaniko dakna NHIDCL ni gita maming u∙iatani dongja aro ian niamni a∙palo dakani ong∙a ine janapangaha. ADE dol ia kamona rimnapaniko dontongatna gita man∙aha aro uamangko mikkangchi jinmana u∙iataniko on∙e kamona rimnapaniko dakchinagitaba aganangaha.
Una agreba ia MTS ni kam na gipin department jekai Home Guard Office aro Don Bosco rangoba kamna rimnapaniko dakengon aspan daken a∙dokni manderangni namgnina u∙iataniko on∙chinagitaba didianiko dakangaha.
