2023 bilsini India a∙songni jakgitelaniko manianio Civil Defence aro Home Guards Departmentni adita officerrangna mande ra∙ani chingita uamangni kamna gamchatbegipa medalrangko boksis on∙angaha.
Civil Defence Meghalaya ni Joint Director, Merinpole K. Sangma, President’s Home Guards & Civil Defence Medal ko uni a∙dokna dangdike kamrangko ka∙anina mande ra∙e on∙angaha. Unbaksana Nongstoin District Training Centre ni Sub-Inspector, Civil Defence & Home Guards for Meritorious Service ba uni kamna boksisko man∙a kragiparangoni saksa ong∙e medalko man∙angaha. Bon∙kamgipao, Mawdiangdiang, Shillong, Central Training Institute, Civil Defence & Home Guards, R. C. Lamare, Havilder, medalko man∙giparangoni saksa ong∙paaha.
