South Garo Hills a∙jao denggu dakgipa chadambe saksako bading chiwalgipa gipin jatko rim∙srukna miksonganio jak donga ine chanchichipe Chokpot jolo donggipa songni manderang rim∙e pulis dolrangna pakwatangaha. Denggu dakgipa chadambeko Rongdi Anchenggre songni manderang gue baganoniko rim∙na man∙e songni Nokmana sing∙sandianiko dakna rimangaha ine parakataha.
Songni manderangni agananigitade denggu dakgiparang saksni mang gnang aro ia rim∙a man∙gipa chadambeba uamangoni saksa ong∙paa ine parakataha. Uko rim∙a bakan Sangknigre pulis station ona nambate am∙sandianiko dakna pakwatangaha.
