Bharatiya Janata Party (BJP) chi chalaienggipa ma·mong sorkariko India a·song ko Bharat ine mingjitna miksongenga. India a·songko Bharat ine mingjitaniko re·baenggipa Sept 18 oni 22 ona ong·atnasienggipa Parliament session-o chanchirimaniko dakna miksonganirang donga ine parakataha.
Rashtrapati Bhawan oni G20 summit na tom·dake miattam cha·na September 9 tarikona okame chitti on·atgipao President of India ine seani palo President of Bharat ine seanirangko nikangskana man·angaha.
Bharat ara Hindurangni gitcham see rakkigipa Sanskrit ku·sikoniko ra·gipa katta ong·a jeni miksonganian a·songni dingtang dingtang biaprango manderangni songdong a·chaaniko miksonga. A·songko British rangni sason ka·miting somoiosa India ine mingna a·bachengbaaha aro uko da·alona intal mingenga.
