Mijal salni bako Garo Hills ni dingtang dingtang NGO rang bakrime Mid Level Health Provider (MLHP) ni kamna rimnapani bidingo Cabinet Minister Ampareen Lyngdoh ko grongangaha.
Re∙anggimin somoio MLHP ni kamna rimnapanio NEIGRIHMS aro Woodland hospital-oni kosan rimnapaniko dakaniara Health department ni gita dal∙begipa gualani ong∙aha maina gipin poraichakram biaprangoba apsan daken skia poraia man∙giparang donga aro MLHP kamna galna gita kragipa manderangba gnangchim ine Lyngdoh aganangaha.
Indake ong∙genchim ong∙oba da∙o health department nigita MLHP ni kamna nakatataiaha aro iani bidingo rimnapaniko dakna gita Tura o September jani 15 tariko walk-in-interview ko dakanggen ine Lyngdoh janapangaha.
