Mawsynram ni gitcham MLA, HM Shangpliang BJP party-oni ong∙kata

BJP-ni dilgipa aro Mawsynram-ni gitcham MLA, HM Shangpliang, BJP dol baksa bakrimaoni ong∙kataniko Meghalaya-ni BJP President Ernest Mawrie-na da∙al salni bako chittiko on∙e parakangaha.
Uni chittio janapanigitade Meghalaya-ni BJP President an∙tangni mandetangrangnasan mikkang niteanirang gnang ine uni kosako matnange aganjolangaha. Chubatgipa BJP dilgiparangoni indake mikkang niteanirang dongode, party ni kakketgipa aro bimchipgipa ka∙rimskarang jakgitele kamko ka∙na neng∙nikaniko man∙a ine ua agandapangaha. Shangpliangni ni agananigitade party o Ernest Mawrie na chakpaenggiparangba ka∙sinsin kamtangko wate BJP oni ong∙katokengaha ine u∙ina man∙angaha.