Meghalaya a·doko re aro wa·aoniko tarigipa adita bosturangko New Delhi-o ong·nasienggipa G20 Summit-o mesokanirangko dakanggen ine parakataha. Re·baenggipa September 8 oni 10 tarikona Bharat Mandapam-ni Pragati Maidan-o Crafts Bazaar ong·atgipao mesokaniko dakan baksana pala sim·anirangkoba dakangjolgen. Ia Crafts Bazaar o India a·songni dingtang dingtang a·dokrangoni adita me·chikrangni aro tribalrangni jaktangchi tarigipa bosturangko One District, One Product (ODOP) ine miksonganiko ra·e mesokaniko dakanggen.
Meghalaya a·doko wa·a aro re rang bang·en donga jeon wa·a aro re oniko nok rikanio aro dingtang dingtang bosturangko tarinagita jakkala. Ia exhibition ko G20 Secretariat, Ministry of Textiles, a·dok sorkari aro Union Territory rang baksa nangrime ong·atanggen. Dam 30 a·dokrang, Union Territory, unbaksana Khadi Village & Industries Commission, TRIFED aro Saras Ajeevika, ia Crafts Bazaaro bakko ra·anggen.
Ia Crafts bazaaro dingtangmancha wa·a aro re oniko jakchi tarigipa aro jakchi ba·ra dokgimin, Northeast a·jaoni bosturangko mesokaniko dakna gita Focus North East dokan ko North-Eastern Handicrafts & Handloom Development Corporation (NEHHDC) dakanggen. Ia crafts bazaar o Nagaland aro Assam-ni jakchi dokgimin ba·rarang, Manipur-ni Kauna crafts rangkoba mesokaniko dakanggen. Unbaksana a·songni dingtang dingtang biaprangoniko ming 30 adita jakchi tarigimin bosturangkoba crafts bazaaro mesokanggen.
