North Garo Hills, Kharkutta Block o Integrated Village Co-operative Societies (IVCS) aro SP rangna a∙a aro chiko porikka ra∙aniko skie on∙a training programko ong∙atangaha. Ia training o porikka ra∙aniko kraa bewalo dakna nanggipa kamrangko skie on∙anganiko nikangaha. Ia training rangko ong∙atanichi ge∙e game cha∙giparangna a∙arangko basee aro a∙sal gnanggipa a∙arango ge∙a gamaniko dake namdapatani cholrangko ra∙bana dakchakani ong∙a. Songadamrango china neng∙nikaniko naljokate rongtalgipa ringani chirangko sokatna aro chini rokomko u∙ie nambata ja∙kurangko de∙na man∙agita ia training o skie on∙aniko dakangaha.
Ia training ona block o biming segate ra∙gimin IVCS aro SP rang bakko ra∙e skie ra∙angaha. Ia training programrangko International Fund for Agricultural Development (IFAD) ni gita dakchakaniko man∙e Meghalaya Basin Development Authority (MBDA) ni ong∙atenggiparang ong∙a. IFAD dingtangmancha ge∙e game cha∙giparangna uamangni gamaniko namdapatna aro tang∙doatna dingtang dingtang cholrangchi dakchakaniko on∙angenga.
