Tura songjinmao dongenggipa Hindu toromo bebe ra∙giparang Janmashtami-ko September 7 tarikoni a∙bachengate Dobasipara gittimo Shri Meghalaya Goudiya Math torom noko manianiko dakangenga. Ia maniani a∙bachengan salo bang∙a manderang re∙bae toromni gitrangko ring∙e ka∙dimee aro katchabee bak ra∙aniko nikangna man∙aha. Hindu toromni dilgiparang aro gipin bebe ra∙giparang batanggimin salrango okgimu chakaniko a∙bachengan salni waljatchio dontonganggen.
Ia manianio, Hindu toromni Isol Krishna ni atchiani salko gisik ra∙ani ong∙a. Hindu toromni bebe ra∙anigitade ua 3228 B.C o atchiaha jekon Raksha Bandhan ba adagipako mande ra∙ani maniani salchet mang ja∙mano gisik ra∙aniko dakronga. Janmashtami ko gisik ra∙na salgnini somoiko done Sravana ba August aro September jani gisepo manianiko daka. Tura songjinmao Janmashtami ko man∙iani skanggipa salo Puja committee ni palo Maayer Ashirwad, chi aro biteni bitchirangko suale on∙angan baksana Mela bazar koba oprake on∙angaha.
