Da·al salni bako Tura Durama College-ni chang 30 gipa Foundation Day ko maniangaha. Ia program ona Education Minister Rakkam A. Sangma aro Meghalaya Legislative Assembly ni Speaker Thomas A. Sangma mongsonggipa sokgipa ong·e bakko ra·angaha. Uamang collegeo poraienggipa chatro chatrirangna mikkangchi janggi tanganio chu·sokgiparang ong·china nama skanirangko on·angan baksa ka·dongani aro didiani kattarangko aganangaha.
Ia programo English Department ni lecturer C. Bose, college ko taridapna Memorandum ko poraie talatangan baksana a·dokni Education Minister Rakkam A. Sangma aro Assembly ni Speaker Thomas A. Sangma na on·angaha.
Durama College-ko 1993 bilsini August 24 tariko Garo Hills-o poraiani gadangrangko tang·doatna aro bang·a tangka paisanigita neng·nikaniko man·e poraina chol ong·gijagiparangna dakchakniko on·a miksonge a·bachengatangaha.
