Kharkutta Pulis Station ni Officer-In-charge aro Pulis dolrang Mendima Secondary Skul o pekgipa bosturangko jakkalani aro badingsrukarangni gimin skulni chatro chatrirangna mikrakatani program ko da∙al salo ong∙atangaha. Unbaksana Motor Vehicles (MV) Act aro Cigarettes and Other Tobacco Products Act (COTPA) ni bidingoba ma∙sie ra∙chinagita skulni bi∙sarangna agantalate on∙angjolangaha.
Ia program o skigiparang aro sak 200 mangni gita chatro chatri rang bakko ra∙angaha. Ia tom∙anio mikkangchi chadamberang pekgipa bosturangoni chel∙e dongna aro sabisirangoni naljoke dongna man∙agita mikrakataniko on∙angaha.
