G20 Summit-o Resubelpara C&RD Block ni Self Help Group (SHG) dolrangni tarigimin bosturangko Pragati Maidan New Delhi-o mesokaniko dakangenga. Ian mingsa A∙chikrangna namen rasong chabeani kam ong∙a. G20 Presidency o dam 19 a∙songrang baksa European Union bak ra∙e a∙gilsak gimiko dingtang dingtang neng∙nikanirangko chagrongengani gimin agan chanchirimanirangko dakangenga.
Resubelpara Block ni gita SHG rangko nambatatna dakchakaniko on∙a ku∙chakaniko dakangaha jedakode ia kamrangko ka∙anichi block ko tang∙doatnasan ong∙aigija mikkangchi India a∙songni namgnina aro namroro silroroanina dakchakaniko on∙anggen ine parakataha.
