Chief Minister’s Youth Centre (CMYC) Rongsak Songma skanggipa changna exhibitionko ong·atangaha. Ia dakmesokani programo boloniko jutta donchakram tarianiko dingtang dingtang dolrang mesokangaha. Una agreba bol sekkirangoniko tarigipa gitok aro nachilrango gananirangko, A·chik rangni ganding chindingoni waistcoatrangkoba Nitoriri Bamboo Furniture aro tailoring project dolrang mesokangaha. Unbaksana, The Baking Project Rongsak Songmani ong·baani itihasrangkoba minge agan-mesokangaha.
Ia programona EGH a·jani DC Vibhor Aggarwal mongsonggipa sokgipa ong·e bakko ra·angaha. Rongsakgiri songni Pamong, Nokma, songni manderang, Rongsakgiri ni St. George School, Upper Primary skulni skigiprang, chatro chatrirang aro Sauramandala Foundation Chief Minister’s Youth Centre o kam ka·giparang bakko ra·angaha.
Sauramandala Foundation aro Project DEFY baksa a·dok sorkari nangrime Smart Village Movement ko ra·bana chadamberangna dam 20 rural innovation centre rangko a·bachengatna mangsongangaha. Ia centre rango songsalo janggi tanganio an·tangtangni changa sapaniko aro u·ie masie ra·aniko bariatna dakchakani ong∙anggen ine u·iatangaha.
