A·doko rikenggipa dam 40 Eklavya Model Residential Schools (EMRS)-rangni rika cho∙aniko ta·raken nipiltaianiko dakna mangsongenga ine Education Minister Rakkam Sangma parakataha.
EMRS na nokrangko rika cho·aniko dakna 2018-2019 bilsi-rango ma∙mong sorkari tangka crore 24 nigita chamataha. Eklavya skul nokrangko rikna bilsi 3-4 na skangan matchotna nangahachim indiba da·ona kingking damgnikosan matchotna man·kuengani gimin ta·rake matchotatna jotton ka·anggen ine ua parakangaha.
Ia kamko ka·na Manipur-ni company-na on∙gimin ong∙a ine Sangma aganangaha. Una agreba ia skul-rangko rika cho∙anirangko ru∙utatani a·selara biaprangko man·ningjani giminba ong·a ine u·iatangaha.
