GHADC o kam ka∙giparangni dormaharangko September jani gisepon on∙gen: CEM

Battangimin sal somoirango GHADC o kam ka∙giparang ja kolatchini dormaharangko man∙gija donge Non-Gazetted Employees Association (NGEA) dolrang uamangni neng∙nikanirangko September 15 na skang niatjagenchimode raka ja∙kuko de∙e jingjengataniko dakanggen ine parakataha.

Uamangni nangnikani bidingo, CEM Albinush R. Marak, MDC rang aro NGEA dolni manderang tom∙aniko dake apsan chanchirimanirangko dakangaha. CEM ni kobor ra∙timgiparangna parakatani gitade, GHADC o kam ka∙giparangna uamangni dormaharangko September jani gisepon on∙anggen ine parakataha.