Garirangni insurance ko tarina office rangko a∙dokni pilak biaprango songe on∙china Khasi Hills Zone ni Garo Students’ Union (GSU) dolrang sorkario mol∙molaniko dakangaha. Bang∙a bike jakkalgiparangko insurance lekkarang tik ong∙jani a∙selo pulis dolrang rim∙e challan katienga ine uamang janapataha. Insurance office rangko bang∙a biaprango songe on∙ode, manderangna tarie ra∙na altubean baksana tangka aro somoirangko komiatani ong∙gen ine GSU dolrang parakataha.
Insurance office rangko songantio ra∙bae on∙genchimode a∙sel ong∙an somoirango altubee korosrangko insurance chi man∙agita amgen ine uamang janapangaha. Insurance donggipa bang∙a garirang uamangni man∙a nanggnirangko man∙pilnagita, songadamoni songjinmaona songre songgabatna nanganichi ru∙utronga ine GSU parakangaha. Iani bidingo insurance na segate ra∙ani gamchataniko manderangna u∙iate on∙a, online gita tarina skie on∙anirangko dakchina aro pulis dolrang insurance rangko sing∙sandianiko dakengon kraa bewalo kamko ka∙chinaba mol∙molaniko dakataha. Ia kattarangko see u∙iataniko GSU unit ni Vice President Tengku M. Marak soi ka∙e parakataha.
