September 12 oni 13 tarikona, Aaranyak aro British Asian Trust nigita Mongma Golpo ine done songantiona sokatenggipako Photamati aro Megapara songni manderangna programko ong∙atangaha. Ia programko ong∙atange Mongmarangni gipin janggi gnanggiparang baksa tangrimbaani, uamangni bewalrangko u∙iani aro mongmarangko chagrongani somoio an·tangtangko naljoke dongna man∙ani cholrangko agantalate on·angaha.
Ia programona sak 138 manderang sokbaaha jeon me·chikmarang atagrikmangnigita re∙batoke bakko ra·angaha. Aaranyakni adita officialrang Rubul Tanti, Nipul Chaka, Pranjal Deka, Vendo Theodore, Shubash Rabha, Darwin Initiative aro Biodiversity Challenge Funds ni dakchakaniko man·e programko ong·ate sokbagipa songni manderangming agangrikanikoba dakangaha.