Autumn Session ko salprako konta gittam on∙dapna tik ka∙a

Assembly Session ko a∙bachengatani salo Business Advisory Committee (BAC) ni manchigimingita sorkarini kamrangko golporimna salgittam aro memberrangna nanga kamrangni gimin sing∙doaniko dakna salgnikosan donani bidingo adita dilgiparang dongimin sal somoirang chu∙ongjawa ine parakangaha. North Shillong ni MLA, Adelbert Nongrum, ia kan∙dikgipa somoio nangchongmotgipa kamrangni gimin chanchirimaniko dakna somoirang chu∙ongjawa ine aganenba salrangko on∙dapchina didiangaha. Deputy CM, Prestone Tynsong, Parliamentary Affair ko dilenggipani aganani gitade nangchongmota ong·ode salprako konta gittam ka∙e on·dapna BAC tik ka∙aha ine parakangaha. Assembly session ko a∙bachengan salo sianggipa pilak dilgiparangko uamangni namgipa kamrangna de·mitele mande ra∙anganikoba dakangjolaha. Assembly ni gnigipa salko September 19 tarik Mongolbar salona ra∙doe donataha.