Garo Students’ Union (GSU) Eastern Zone Williamnagar-ni dilgiparang, dongimin niamgita sal somoirang ia September jaon bon∙engahani gimin, GSU ni gital dilgiparangko seokna election-ko ta∙rake ong∙atchina election-o susanakenggipa manderang mol∙molataha. Uamangni agananigitade dilgiparangni kam ka∙anirang aro dangdike on∙anirang niamgita bilsi bonga gapahani gimin gital dilgiparangko ta∙rake seoktaina electionko ong∙atna u∙iatanirangko on∙a nanga ine parakataha. Election ko ong∙atna u∙iatachi uamang susanagita dakna nanggni kamrangko tarisamsona man∙gen ine janapataha.
Niamrangko ja∙rike gitcham dilgiparangni somoirangko ra·doatgija GSU election-ko October jani gnigipa antion ong∙ate gitalgipa dilgiparangko seokna nanga jedakode poraienggipa chatro chatrirangna neng∙nikani ong∙jawa aro uamangna namgipa dakmesokaniko on∙aniba ong∙gen ine janapangaha. Ia ja∙ku de∙aniko GSU election-o susanakenggipa manderang, dingtang dingtang skul aro collegerango dilenggipa chatro chatrirang baksa September 8 tariko tom∙e chanchirimangaha. Ia somoion, election-o susana am∙enggipa manderangni bimingkoba parakatjolaha ine u∙iatangaha.
