A∙doko ra∙gatna chanchienggipa Meghalaya Residents Safety and Security Act (MRSSA) ni bidingo ma∙mong sorkarioni aganchakaniko man∙soaha ine Chief Minister Conrad Sangma mijal salni bako parakangaha. Iani bidingo re∙mikkangna sorkari chanchirimaniko dakangenga ine Sangma kobor ra∙timgiparangna aganangaha.
Ru∙uta bilsirangoni dabianiko dakbaenggipa Inner Line Permit (ILP) ni bidingo janapengon a∙doko niatna nanggipa ILP mangmangsan ong∙ja indiba niam gri a∙dokona napsrukbae songdongkamenggipasa mongsonggipa neng∙nikani ong∙enga ine Sangma aganangaha. MRSSA ni bidingo ma∙mong sorkarini aganchakaniko da∙o sal bongana ong∙enggipa autumn session-o chanchirimaniona ra∙bagen ine Chief Minister parakataha.
