A·dokni pulis dolrang pekatgipa bosturangko badingani batroroengani gimin dingtang dingtang biaprango nirok sandianirangko dake bang∙a badingsrukgipa manderangko rim·nagita man·enga. Apsan daken NH-51 ramao Bajengdoba Pulis Station ni sepango donggipa Kosichora songo kakketgipa koborrangko man·soe, me·chik saksa Dellina Ch. Sangma ko 23.93 gram mangnigita pekatgipa bostu Heroin baksa mijal salni bako rim·aha ine North Garo Hills pulis dolrang parakataha.
Rim·ako man·gipa mandeko pekatgipa bosturangko badingsrukani niamrango pangchake uni kosako pulis dolrang mokordoma ka·aniko dakangaha ine u·iatangaha. Pekatgipa bosturangko pulis dolrang me∙chikni jakoniko man∙e porikka ra∙na thanaona joljol watataha ine koborna parakataha.
