Samrangko on∙e dal∙atgipa me∙su samjak cha∙anirangko gele be∙enna nambata aro rongtala cha∙anirangko on∙a Resubelpara Aspirational Block ni ning∙ao donggipa primary skulni bang∙a primary skulrango Nutri Garden rangko a∙bachengate on∙angaha.
Nutri Garden ko dakanichi dal·drobaenggipa bi∙sarangna nangchongmotgipa cha∙anirangko chu·ongagita man·jani a∙selo ram·sisie saanirangoniko champengna miksonge skulrango a∙bachengataha.
Skulni samtangtango ia baganrangko a∙bachengate on∙anichi bi∙sarangna dingtangmancha be∙enna namgipa cha∙anirangko cha∙e ranta ka∙na dakmesokaniko on∙a a∙bachengatenga. Unbaksana rongtalgipa samgrigipa me∙su samjakrangko cha∙anichi be∙enna gamchataniko aro dingtang dingtang sabirangoni naljoke dongna man∙aniko bi∙sarangna skie on∙aniba ong∙a.
