West Garo Hills Gambegre songni Doldegre Health and Wellness Centre ni ning∙o Danakgre Block-o Health Mela, Nikshay Diwas, Poshan Maah aro Village Health Nutrition Day ko mijal salni bako ong∙atangaha. Ia program-o Non-Communicable Diseases (NCD) ba batrikrikgijagipa sabisi rangko porikka ra∙aniko dakangan baksana porikka ra∙na gita stu ko ra∙ani, an∙chi ra∙ani, Tuberculosis (TB) sabisiko porikka ra∙ani, bi∙sarangko biji su∙ani, an∙o donggipa ma∙giparangko porikka ra∙aniko dakangaha.
Ia program-o Tuberculosis, an∙seng baljokanina namgipa cha∙anirangko cha∙na didiani aro NCD ni gimin u∙iataniko on∙e mikrakataniko on∙angaha aro an∙o donggipa ma∙giparangko sanram biapona re∙ange bi∙sa atchiataniko dakchina gitaba mol∙molan baksana didianiko dakangaha. Indakgipa programko ong∙atanichi a∙dokni manderangni be∙en bimangko an∙seng baljoke rakkina gita Health Department jaku de∙angenga.
