Re·baenggipa September jani 20 tarikoni 22 tarikona Assam aro Meghalaya a·doko mikka jimbee wana am∙enganiko Indian Meteorological Department (IMD) niksamsoe parakataha. Ia a∙dok damgnio mikka jimbee wana am∙enganina IMD dingtangmancha manderangko simsaksoe tarie dongchinagita u·iataniko on·angaha.
Ia mikka jimbee waani 115.6 oni 204.4 mm mangnigita ong·naba donga ine toa gnang IMD parakataha. Mikka jimbegenchimode chi skongkame donggipa aro be∙na kragipa biaprangoni an∙tangtangko chel∙e naljoke dongpachina IMD mol∙molaniko dakangaha. Mitam biaprango chi bana ong·naba gnang ine u·isamsoe mongsongbate chi rama sepangrango dongenggipa manderangna simsaksoanirangko daksochina mikrakaniko on·angaha. Ia kenbegnigipa mikkani gimin IMD manderangna u∙iate on∙pachinaba mol∙molaniko dakangaha.