Health Department ni gita Williamnagar Vocational Training Centre o Ayushman Bhava ko songdongenggipa manderangni be∙en bimangko an∙seng baljoke rakkina gita da·al salni bako a·bachengate on·angaha. Ia programko re·baenggipa October jani 2 tarikona health camp aro awareness program rangko songadam nokadamrango ong·ate skie on·a miksonge a·bachengataha.
Ayushman Bhava campaignko ra·baaniara songadamrango mande sakantina sanna bannaniko nengrae on·a man·a gita ong·a unbaksana sanna bannaniko dakna ma·mong sorkarini dingtang dingtang scheme rangni bidingo agan talate on·anikoba ia campaign-o dakangna miksongangenga.
Chel·begipa kona noksikrango songdongenggipa manderang sanna bannani a·bao ja·manchakrongengani gimin neng·nikanirangko chagrongna nangrongenga. Ia neng·nikanirangko naljokatna, sanna bannanirangko namdapatna aro uamangni man·a kragipa scheme rangni bidingo talate on·agita ja·ku de·na Health Department-ni gita Ayushman Bhava campaign ko a·bachengataha.
