Mizoramni pekgipa bosturangko badinganio bimung donggipa mande baksa Chief Minister Conrad Sangma bak dongpaa ine Dr. Mukul Sangma ni matnanggipa kattako Deputy Chief Minister, Prestone Tynsong ni ra∙galna dabianio, 279 A niamko pe∙ani ong∙a ine assembly ni ku∙wattimgipa Thomas Sangma, 304 niamko jakkale chu∙gimik ra∙galaniko dakangaha.
Assembly ni ku∙wattimgipana aro bak nanggipa Minister na maming u∙iataniko on∙chenggija assembly nokni ning∙ao dilgipa saksa sakgipinko niamgri jaksi otgrikna ba kragija rasong be∙atani kattarangko agana man∙jawa. Unbaksana Assembly ge∙sa niamko ja∙rikgipa nok ong∙ani gimin maming sakki aro niamgri kattarangko agangrikaniona ra∙bajachina ku∙wattimgipa da·al salni assembly session o u∙iataniko on∙angaha.
