Dadenggre Sub-Division o Rashtriya Poshan Maah 2023 ko gisik ra∙e September jani 19 tariko manianiko dakangaha. Ian Ministry of Women and Child Development ni gita dokgipa changna September jagimik manina tik ka∙ani bak ong∙a. Ia manianio dingtang dingtang cha∙ani bostu, bite, me∙su samjak, mi misirangko ra∙bae mesokanikoba dakangaha.
Dadenggre Sub-Division ni SDO Abhishek Gowda mangsonggipa sokgipa ong∙e gipin officer rangni dongpaanio ia programko oprake on∙angaha.
Una agreba be∙en bimangko anseng baljoke rakkiani gimin, aadhaar-o biming segatani aro Ayushman Bharat Health Account (ABHA) ni bidingo agantalate on∙anikoba dakangaha. Iako maniani miksonganiara namnamgipa cha∙ani ringanirangko jakkale an∙o donggipa ma∙giparangko, bi∙sa bakgitchak aro daldrobaenggipa bi∙sarangko sabisioniko naljoke rakkina gita skie ba agantalate on∙ani ong∙a.
