West Garo Hills, Sarva Shiksha Abhiyan ni gita World Literacy Day ko September 19 tariko Tura SMELC, Dakopgre-o maniangaha. A∙gilsak gimiko poraia skianio dingtanganiko ra∙bana, baikamgipa aro tom∙tomgipa songsalko rikna ine miksonganiko done skul napgijagipa bi∙sarangni bimungrangko segataniko dakangaha.
Education department-nigita biming segataniko dakanganio skul napgijagipa bi∙sarangko am∙sandie, baseaniko dake biming segataniko dakangna aro skul napna didianiko on∙e poraia dontonganiko a∙doko komiatna miksonge ong∙atangaha. Block-ni gita poraigijagipa bi∙sarangko am∙sandie nianio sak 119 mang dongaoni sak 70 bi∙sarang ia bilsini gisepo poraina a∙bachengtaianiko nikna gita man·engaha.
Ia World Literacy Day ko maniani salo dingtangmancha sak bonga skul napgijagipa bi∙sarangna poraiani ki∙tap aro poraianio jakkalna nanggipa bosturangko on∙angaha. Unbaksana Garo Hills a∙jao School Health and Wellness program-o chu∙sokbatgipa ba nambate dakgiparang jekai, Gambegre block, Roni Asim Secondary School Tikrikilla, Dalu KGBV aro ambassador na seokako man∙gipa Roni Asim Secondary School ni skigipa H Rabha na programni mongsonggipa sokgipa Teacher Education College, Rongkhon ni Principal M A. Sangma ni jakchi boksisrangko on∙ange mande ra∙aniko dakangaha. A∙doko bi∙sarangni poraiani gadangko namdapatna skigiparangni jakon ong∙a ine janapangan baksa mikkangchi skulrangko nambate nirokanirangko dakanggen ine M A. Sangma agandapangaha.
