Chibok Apal Sub-Centre aro Gitokgre Health & Wellness Centre o sanna bannaniko dangdike on·enggipa dolrang, sanchakram biaprangona re·na dona bilgri ong·e dongenggipa manderangna nokantiona re·roroe sanna bannani cholko nambate sokatnagita dakchakaniko on·angaha.
Nokantiona re·roroe sannaniko dakani somoio nirok simsakanirangko daknagita nanggipa samrangko sualangaha aro be∙enrangko porikka ra·e nienba bilongbee sae dongenggiparangna dingtang mancha simsakaniko dakangaha.
Mitam manderangni sanchakram biaprangona re·ange sanna sikgijaniko nike Meghalaya health department dingtang dingtang nokrangona re∙ange sannaniko uamangna on∙angskaenga ine parakataha. Ia kamrangko ka·anichi bilsi dal·gimin bilgrigipa manderangko mande ra·aniko mesokaniba ong∙a ine uamang janapangaha.
