World Literacy Day Celebration cum Enrollment Drive 2023 ko North Garo Hills a·jani District Mission Coordinator, Mendipathar Multipurpose Hall-o mijal salni bako ong·atangaha. Ia tom·aniko “Promoting literacy for a world in transition: Building the foundation for a sustainable and peaceful society” katta bichongo pangchake songsalo poraia skianiko tang·doatna, baikamgipa aro tom·tomaniko ra·bana miksonge ong·atangaha.
Ia tom·anio Bajengdobani MDC Aldo A. Sangma mongsonggipa sokgipa ong·e sokbaaha. Unbaksana MCS aro Additional Deputy Commissioner Nipon Hajong, District Youth President George Bacheng, District Youth Secretary Wilbur Sangma, Education Department ni officialrang, skigiparang aro a·jani chatro chatrirang bakko ra·angaha.