Yess Meghalaya ni dakchakanichi Kim·bik Paksa Club (KPC), Tura Government College ni Internal Quality Assurance Cell (IQAC), Garo Department aro college ni National Service Scheme (NSS) Tura unit baksa nangrime Climate Change aro Waste Management ni bidingo awareness program ko da·al salni bako Tura Government College o ong·atangaha.
Program ona Nature’s Orbit ni Founder aro Director Debabrata Rajkumar mongsonggipa sokgipa ong·e Climate Change aro Waste Management ni bidingo agan skie on·angaha. Jabolrangko maikai simsake galna nanga aro plastic ni bosturangko komiate jakkale songsalna maikai namgniko ra·banagita man·ani bidingo agan talate on·angaha. Apsandaken plastic bosturangko jakkalnichi maikai climate ko dingtangaona sokate an·ching mande jatna namgijaniko ra·baengani bidingo champengani cholrangkoba agan talate on·angaha.
