Ayushman Bhav Campaign ko ong·atani somoio Tura Blood Bank Cell dolrang, Voluntary Blood Donation Camp ko Tura P A. Sangma Foundation College o mijal salni bako ong∙atangaha. Ia camp-ona bang·a chadamberang bakko ra∙e an·tangtangni an∙chirangko on∙gilaniko dakangaha.
An∙chi on∙aniara sakgipinna dakchakani kam ong·a aro ia kamchin an·chiko nangenggipa manderangni janggi tanganiko naljokatna man∙agita indakgipa camprangko Health department ong∙atenga. Je mandeba an∙chiko on∙a sikani ba gisik nanggipa dongode nangagita porikka ra∙chenge Pasteur Hills, Shillong ba je sepangbatgipa Civil Hospital aro District Hospital rango on∙agita man·ani bidingoba u·iatangaha. An∙chi on∙chakanichi manderangni janggiko jokatan baksana songsalo an·seng baljoke dongnagita dakchakani ong·a ine camp o bak ra·giparangna agan talateba on·angjolaha.
