Tura Wadanang jolni gopram sambao chadambe saksani manggisiko da·al salni bako man∙ani gisepon pekgipa bostuko nangana bate jakkalanichi a∙sel ong∙aniko skanggipa changna chagrongaha ine chanchichipe koborna parakataha. A∙selo ga∙akgipa chadambe da∙al pringni bakonin pekgipa bostuko jakkalaha ine ma∙sina gita man∙aha.
Pekgipa bosturangko jakkale a∙sel ong∙aniko a∙jao nikengon, ian a∙dokko sason ka∙enggiparangna aro songsalna simsakna nanganiko mikrakatani ong·a. Tura songjinmao dongenggipa chadambe sakantian ia a∙sel ong∙aniko niate mikrake dongna nangchongmotenga. Sorkarinigita pekgipa bosturangko jakkalani bidingo champengna rakbee kamrangko ka∙genchimoba, pekgipa bostuko jakkalanichi mande sianiona sokatna gita man∙aniko nikna gita man∙engaha.
Da∙alo ia a∙sel ong∙aniko niknagita man∙enganiara pekgipa bostuko jakkalenggipa chadamberangna rakbate kam ka∙na aro name sanna bannaniko dakna nangenganiko gisik ra∙ataiani gita ong∙enga.
