Re·anggipa salrango manderangni rochakram biaprango ta·maku ringaniko aro skul sepangjolo ta·makuni bosturangko palna beng·aniko Meghalaya pulis dolrang mikrakataniko dakataha. Ia mikrakataniko Cigarettes and Other Tobacco Products Act (COTPA) ni ning·o manderangko sabisioniko naljokatna aro an·seng baljoke dongna dakchakna National Tobacco Control Program (NTCP) aro Sambandh Health Foundation (SHF) bakrime a·bachengataha. A·jani SP rang COTPA ni Section 4 o pangchake ‘No Smoking’ noksarangkoba nikrangragipa biaprango, pulis station mikkangrango tapchinagita aro nikrangragipa biapo ta·maku jakkalako nikode dai ra·china pulis dolrangko ge·etangaha.
Da·ororoni chadambe bi·sarang ta·makuni bosturangko jakkalani batroroenganina jajrenga gnang sabisioni naljoke dongna man·agita doctor rang pulis dolrang aro bang·a dilgiparang ia kamko ja·ku de·anio ku·cholsan ong·e kamko ka·angenga. Adita salrangna skangba Tura ni pulis dolrang songjinmao re·roroe nikrangragipa biapo ta·maku ringanirangko nirok sandie dai gamatanirangko dakate mikrakataniko on·angaha. Ta·makuni bosturangko skul sepangrango palaniko beng·an baksana bilsi chu·ongkugija chadambe bi·sarangna palaniko beng·angaha.
